Mikil eftirvænting var hjá öllum fyrir leik Íslandspósts og Strumpanna. Heyrst hafði á göngum Stórhöfða 29 á leikdegi að um stórleikur sumarsins væri að ræða, hittust menn í hinum ýmsu skúmaskotum og töluðum þeir um þennan leik í sömu orðum og rætt er um viðureignir: Real Madrid-Barcelona, Liverpool-Man Utd, Inter-Ac Milan.

Einkenndist spennan fyrir leikinn aðallega útaf því að Sveinbjörn sem er búinn að vera forsprakki og fyriliði Póstliðsins síðustu ár gerði sér lítið fyrir og ákvað að spila með Strumpunum í ár.

Sterk fyrirmæli frá Hr.Abramovich fyrir leik voru að úrslit leiksins skiptu ekki máli heldur átti að DREPA Sveinbjörn!

Mættu menn á völlinn hálftíma fyrir leik......eða svona flest allir, það er orðið frekar slæmt ef menn eru að mæta seinna en Sjonni (nefni engin nöfn) :)
Met fjöldi var mættur til að styðja við bakið á Póstliðinu: 10 manns. :)
Byrjaði leikurinn frekar rólega....Fyrsta færi leiksins fékk Konni og má kalla það dauðafæri, eftir góða fyrirgjöf frá Sjonni dettur boltinn fyrir fætur Konna sem stóð inni í teig, en eins og svo oft áður reyndi Konni að drepa markmanninn með þrumuskoti, hitti hann hvorki markið né markmanninn. Nokkur hálffæri voru síðan eftir þetta en ekkert sem ógnaði marki Strumpanna almennilega. Atli komst næst því að skora þegar þrumuskot hans söng í þverslánni á marki Strumpanna.
Það var ekki fyrr en 7 mínútum fyrir leikhlé að markið kom sem allir póstmenn voru að bíða eftir. Var þar að verki Haukur Erlings var hann þá nýkominn inná og í fyrstu snertingu fær hann boltan inni í teig og setur hann nett í fjærhornið, óverjandi fyrir Klaufastrump í marki Strumpanna.

HÁLFLEIKUR!

Sjonni tók hálfleiksræðuna að sér og hljóðaði hún einhvern vegin svona "Strákar gefið á mig....ég ætla að reyna að klúðra fleiri færum í seinni hálfleik en þeim fyrri." Hálftíma seinna kom í ljós að honum tókst ætlunarverk sitt!!!

Seinni hálfleikur var ekki eins góður hjá Póstliðinu og sá fyrri því menn bökkuðu of mikið á vellinum og hleyptu Strumpum alltof mikið inní leikinn.
Stórleikur hjá Dúóinu aftast, Alberti á miðjunni og Dóra í markinu komu í veg fyrir að Strumpum tókst að setja mark sitt á leikinn.
Skyndisóknum var beitt í seinni hálfleik sem ekkert varð úr....vegna tveggja flækjufóta sem fóru mikinn í þeim. (Haukur og Sjonni þetta eigið þið að taka til ykkar)!

Annars í heildina góður sigur sem hefði átt að verða miklu stærri.......

Jákvæða úr leiknum: Að halda hreinu, að komast aftur á sigurbraut eftir slakt gengi að undanförnu.

Neikvæða úr leiknum: Sveinbjörn er á lífi!

Maður leiksins: Án efa Albert þar sem barátta hans var undirstaðan í sigri liðsins.

Tilþrif leiksins: Lítið var um glæsileg tilþrif í leiknum......Verð samt að segja markið hjá Hauki og ömmukastið hans Dóra í markinu, klobbinn hjá Sjonna þegar hann klobbaði sjálfan sig á línunni hjá marki Strumpanna og að lokum þegar Orri ætlaði að lemja Stóra Strump. :)
 
Vangaveltur: Hversu hægur er Jónas ef Sveinbjörn stingur hann af? :)
                   Hvað var úti í sundlaug sem Orri var að reyna að hitta í þessum skotum sínum öllum?
                   Mun Atla takast að skora?
                   Er Haukur supersub?
                   Hvernig er hægt að taka 8 skot og ekki hitt neinu þeirra á markið? (Sjonni)
                   





Þar til næst dömur......Konni kveður. Pís át!!!

Úthúðun?? Svo sannarlega.. Íslandspóstur kom og ætlaði heldur betur að gera miklu betur heldur en í síðasta leik sem tapaðist 5-2 á móti vel spilandi liði Hvatbera.. 2 nýjar varaskeifur léku sinn fyrsta leik fyrir okkar hönd og bjóðum við þá velkomna til leiks. Annað jákvætt er ekki hægt að segja um leik liðsins í þessum leik!! Við komum til leiks illa stemmdir og það var ljóst að á fyrstu mínútu leiksins yrði þetta erfitt.. Eins og í fyrri leik vorum við sundurspilaðir hvað eftir annað og eftir fyrri hálfleik vorum við búnir að eiga 2 skot á markið og eitt núll undir. Ætluðum við nú heldur betur að bæta leik okkar í hálfleik og Sjonni kom með góða ræðu um að við ættum að láta finna fyrir okkur og taka þá í gegn... En það gerðist ekki!!! Menn gerðu hreinlega ekki neitt í þessum leik. Haukur átti ekki eina heppnaða sendingu, Dóri kenndi öllum öðrum í kringum sig um, Sjonni var eini ljósi punkturinn í liðinu en hann gat ekki mikið gert einn á móti þessu liði,Konni var fræsandi allt og alla (meira að segja boltan í eigið net) á milli þess sem hann reyndi að takea aðra, og ritari var meiddur eins og haugur og var á 50 prósent keyrslu. Seinni hálfleikurinn endaði 4-0 fyrir hinum og er ekki annað hægt að segja að liðið okkar var algjört drasl annan leikinn í röð!!

Á heildina litið var liðið einhvern veginn að nenna þessu ekki og stemmarinn var alls ekki nógu góður!! Engin barátta var í okkur og sást það mjög vel þegar menn voru sólaðir og hættu við að fylgja andstæðingnum eftir.. Eftir að annað markið kom á okkur vorum við hættir og það má bara alls ekki sjást í fótbolta að menn hætti þótt að það komi smá mótvindur.. Við vorum drasl og hefur ritari ákveðið að fyrir Strumpaleik muni verða æfing þar sem menn verða teknir í gegn og drepnir gjörsamlega!! Svo verður sparkað í peningabudduna hjá (Eiganda vor) og haldið þöppun til að þjappa móralnum saman í þessu liði svo það verði gaman að spila aftur saman því menn voru alls ekki á þeim nótunum í þessum leik.

Það er orðið ljóst hver sér um það á þessari bloggsíðu hver eigi að úthúða þetta lið og mun það vera ég og ef einhver hefur á móti því þá er hann dauður!! Því ritari ætlar ekki að hlusta á eitthvað kellingavæl og ef hann heyrir eitthvað slíkt þá verður sá aðili fræstur...

Þangað til næst..
Albert Rauði baróninn eða Trölli eins og Sjonni vill hafa það!!

Það var glampandi sól og 20 stiga hiti þegar leikmenn Póstsins stigu út á völl til að keppa á móti Hvatberum með hálfvængbrotið lið vegna meiðsla og gsm vandræða sem lýsir sér þannig að það er slökkt á gemsanum HAUKUR... Strax frá fyrstu mínútu sást hvað koma skildi því greinilega var góða veðrið eitthvað að hrjá okkar leik því við vorum sundurspilaðir aftur og aftur og mætti líkja leik Póstsins við hauslausar hænur svo arfaslakur var hann. Kannski var það ekkert skrítið eftir 2 daga fyllerí hjá sumum mönnum.. Eftir sundurspilun Hvatbera hlaut að koma að því að þeir skoruðu.. 0-1. Ekki margt markvert gerðist eftir þetta fyrr en við fáum hornspyrnu og var það undir Konna komið að taka spyrnuna. Hann setti fallegan bananabolta inn í teiginn fjær þar sem Albert (Trölli) kemur askvaðandi tekur hann niður á bringuna og setur hann strax framhjá markmanninum og jafnar metin. 1-1 stuttu seinna flautaði dómarinn til hálfleiks. Hálfleiksræðan var einföld.. Við ætluðum svo sannarlega að bæta okkar leik. Á fyrstu mínútum seinni hálfleiks fær Orri sendingu frá Albert og eftir að hafa næstum dottið á boltann nær Orri að snúa sér og skora 2-1. Eftir þetta hélt skrifari að þarna myndi gamla Póstdráttarvélin fara í gang og setja nokkur mörk á Hvatbera en svo var ekki. Hvatberar settu í 3. gír og settu fjögur mörk á okkur. Eitt úr vippu sem Dóri hefði mátt grípa eitt úr aukaspyrnu og svo hraðaupphlaup. Annað er ekki hægt að segja um leik Póstsins að hann hafi verið skelfilegur í alla staði og það er greinilegt að við höfum aldrei spilað svona illa. 

Hápunktar leiksins: Var hversu mikið Ingó hljóp og braut á þremur mönnum í einu þegar hann var með boltann, hvað ekkert kom útúr Sjonna í þessum leik og var það miður því hann á miklu meira inni, tæklingin hans Konna sem hitti hvorugt bolta eða mann, FRÆSINGIN hans Alberts til að reyna að kenna stóra brósa hvernig eigi að gera þetta, skotið hans Alberts sem lét markmann Hvatbera líta vel út. Því miður var allt liðið drasl og er því ekki hægt að velja mann leiksins. Dynamic duoið náði ekki að smella saman.. Miðjan var löt og gat varla hreyft sig vegna sólstingar og sóknin var engin þar sem enginn í liðinu þennan dag getur talist sem sóknarmaður og Dóri er greinilega of stór sem markmaður!!

Mér þykir miður að fyrsta bloggið mitt fyrir liðið þurfti að vera úthúðun og ég sem bitur maður eftir þennan leik vonar að í næsta leik munu leikmenn liðsins rífa sig uppaf rassgatinu og spili betur því annars mun Rauði baróninn ganga berserksgang og drepa allt og alla hvort sem það er lifandi eða dautt fyrir!!!

Þangað til næst,
Albert Rauði Baróninn eða Trölli eins og Sjonni vill hafa það.


 

Eins og í tveimur fyrstu leikjunum okkar þá voru veðurguðirnir ekki alveg að standa sig fyrir stórleik Íslandspósts og Boot Camp. Á töflufundi eftir síðasta leik var ákveðið að senda Rauða Baróninn á reiðistjórnunarnámskeið fyrir rauða spjaldið sem hann fékk í leiknum og þ.a.l. gat hann ekki spilað með okkur leikinn á móti Boot Camp.
Mikil spenna myndaðist fyrir leik því andstæðingurinn er búinn að vera meistari Carlsbergdeildarinnar tvö síðustu ár. Fyrir leik kom yfirlýsing frá ónefndum Sigurjóni "ég er haugur" að hann myndi mæta en lítið sem ekkert spila og vera liðinu bara til halds og trausts á hliðarlínunni, ástæðan fyrir þessari yfirlýsingu er hulin ráðgáta en grunar þann sem skrifar þessa grein að ástæðan sé að rokið hafi verið það mikið að hárgreiðslan á Sjonna myndi skemmast og þ.a.l myndi hann ekki lúkka eins vel á vellinum.
Vindmælir þeirra Leiknismanna sýndi 45 metra á sekúndu þegar leikur var flautaður á.
Það sem hægt er að telja upp sem gerðist í fyrri hálfleik er: Jónas hljóp 3-4 km og ekkert af því var inná vellinum, Ingó hljóp 15 metra og það var inná vellinum, Konni átti stórkostlega aukaspyrnu sem stefndi í skeytin inn þar til vindurinn tók boltan og setti hann 7 metra yfir markið og út í Breiðholtslaug, buffin úr Boot Camp lágu eins og hráviður út um allan völl og kvörtuðu yfir grófmennsku, "Haugurinn" greiddi sér og kom inná. HÁLFLEIKUR!
Í seinni hálfleik spiluðum við á móti vindi eða reyndum allavega að spila en vindur gerði okkur erfitt fyrir, var rokið það mikið að menn stóðu kyrrir á staðnum í skyndisóknum. Það var ekki fyrr en Pálmi fýkur rétt fyrir utan teig og fær dæmda aukaspyrnu að eitthvað gerðist. Sjonni stillir boltanum upp, sér glufu á varnarveggnum og BANG! Boltinn þanndi netmöskvann og fauk svo út úr markinu aftur. 1-0 og 10 mínútur eftir.
Eftir þetta var bakkað á vellinum og "The Dynamic Duo, Jónas og Maggi" stóðu vörnina eins og herforingjar og ekki var Sjonni verri sem djúpur á miðjunni. Hann át allt sem kom í átt að honum, og til að niðurlægja þá en meira þá lék hann sér að því að klobba nokkra eftir að hann var búinn að hirða boltan af þeim. Ef hann missti þá framhjá sér þá átu hlunkarnir tveir í vörninni þetta.
Ekki mikið hægt að segja um þennan leik því boltinn var 60% útaf vellinum. Og í þau skipti sem hann hélst inná þá var lítið um fallega knattspyrnu.
Góðum 1-0 sigri var síðan fagnað með hópfaðmlagi og ekki má gleyma því að Hr. Abramovich var búinn að lofa liðinu djammi ef Boot Camp leikurinn myndi vinnast!

Niðurstaða: Góður sigur í leiðinlegum leik á móti liði sem á að heita besta liðið í þessari keppni.

Maður leiksins: Sjonni. Setti eina mark leiksins og sjaldséð varnarvinna frá honum undirstrikaði góðan leik.
"The Duo" áttu líka góðan leik.

Tilþrif leiksins: Ekki var mikið um flott tilþrif í leiknum en heiðurinn af þessu sinni fær Orri fyrir að reyna að klofrífa sig. Orri fær boltann á hægri kanti...sér leikmann sem hann ætlar að gefa á, um leið og hann sveiflar löppinni fýkur boltinn frá honum. Uppúr þessu kom einhver sú svakalegasta teygja sem sést hefur á Leiknisvelli...Fimleikadeild Breiðabliks hefði verið stolt á að hafa Orra innan sinna raða ef einhver frá þeim hefði séð þetta. Ekki spurning um það að hann hefði fengið 9 í einkunn í gólfæfingum fyrir þetta. :)

Vangaveltur: Menn velta því en fyrir sér hvaða íþrótt Pálmi var að stunda í Danmörku? Hann skuldar 6 mörk í næsta leik.
Mun Ingó hlaupa eitthvað í næstu leikjum? 
Er tími Rauða Barónsins liðinn í þessu liði?

Þar til næst...... Guð blessi ykkur.
 

Það má segja það að Breiðhyltingar geti ekki boðið manni upp á gott veður þegar við eigum leik. Byrjuðum við leikinn í 20 vindstigum og vorum við mættir með okkar sterkasta lið, kannski fyrir utan super-subinn Davíð Husby og grófasta mann Budweiser Internationalmótsins síðustu helgi hann Elmar. Leit þetta heldur betur vel út fyrir leik því nóg var af skiptimönnum hjá okkur, allavega 4 og 1/2 kvikindi sem tilbúin voru að hlaupa í skarðið ef menn yrðu þreyttir. 
Byrjuðum við leikinn betur en eins og alltaf tekur það okkur smá tíma að stilla okkur af....það var ekki fyrr en að skyndilega lyngdi að maðurinn sem ber nafnið Albert þandi netmösskvan með þrumufleyg fyrir utan teig og stóð þar heldur betur undir nafninu "Bombalatomba". Hélt ónefndur skrifari þessarar greinar að nú myndi sko heldur betur opnast flóðgáttir og við myndum drepa þennan leik......eeeen nei nei menn eins og Pálmi "ég skora sko 2 mörk að meðaltali í dönsku utandeildinni" hitti ekki á ramman úr öllum sínum markskotum eftir að hann var búinn að stinga varnarmenn Mannsa hvað eftir annað af.
Svo kom köld vatnsgusa í smettið á okkur.......aukaspyrna,drasl veggur,Dóri draugur fær boltan í gegnum sig, BANG mark! 1-1
Eftir þetta var leikurinn í járnum. Það var ekki fyrr en ca. 5 mín voru eftir að fyrri hálfleik að Sjonni "Díva" stóð sko heldur betur undir nafni þar og grýtti sér í jörðina rétt fyrir utan teig......aukaspyrna, Dívan með skot, BANG mark 2-1. HÁLFLEIKUR
Seinni hálfleikur byrjaði eins og sá seinni endaði allt í járnum og frekar slappur leikur að okkar hálfu fannst mér.
Ekkert markvert svosem gerðist fyrr en Jónas er aftast með boltan (syngjandi eitthvað lag í hausnum á sér) missir boltann klaufalega með þeim afleiðingum að sóknarmaður Mannsa er að sleppa einn innfyrir. Hver mætir ekki þá á svæðið annar en Albert "ég er búinn að standa undir nafninu Bombalatomba í dag þá á ég bara Rauða Baróninn eftir" og hakkar greyið manninn niður og fær beint rautt fyrir. Vil taka það fram að hann var búinn að fá gult spjald 3 mínútum áður. (Elmar þú ert kominn með keppinaut um grófasti maður liðsins).
Einum færri var pakkað í vörn, eeen öskurfljótu leikmenn okkar nýttu sér skyndisóknir sem ekki voru þó margar og ekkert varð úr. Það var ekki fyrr en Mannsaliðið fyrir utan einn var farið að sækja að Orri fær boltan á hægri kant, klobbar varnarmanninn,hleypur eins og elding fram, sér Sjonna með sér, tveir á móti markmanni gefur Orri sendingu (eina sendingin sem heppnaðist hjá honum í öllum leiknum) yfir á Sjonna sem þrumar boltanum upp í þaknetið, BANG 3-1.
Eftir þetta reyndu Mannsamenn einhver langskot sem ekkert varð úr, vörnin hélt og náðum við að halda þetta út.

Maður leiksins að mati skrifara: Dóri þrátt fyrir að breytast í Casper eitt augnablik í leiknum. Síðan var Maggi asskoti sterkur þarna aftast líka.
Jákvæða við leikinn: Að vinna leikinn þrátt fyrir að spila eins og aumingjar!
Neikvæða við leikinn: Að Héðinn skildi ekki fara alla leið þegar hann fékk boltan í vörninni og óð af stað upp völlinn, sprengdi sig áður en hann kom að miðjulínunni. Spilið hjá liðinu var drasl!

Vangaveltur: Hvaða lag var Jónas með í hausnum á sér þegar hann missti boltan í rauða spjaldinu hans Alberts?                    Hvað mörg rauð spjöld fær Rauði Baróninn í sumar. (1 leikur-1 rautt)
                   Mun Orri einhvern tíman geta sent á samherja?
                   Mun Pálmi hitta á markið?
                   Hvar voru þessi 19 skot sem maður er vanur að sjá frá Hauk Erlings?
                   Hvaða íþrótt var Pálmi að stunda í Danmörku þar sem hann skoraði að meðaltali 2 mörk í leik?

Þar til næst dömur........Góða nótt :)

Það var vel við hæfi að fyrsti leikurinn okkar færi fram á frídegi verkalýðsins því leikmenn póstsins voru greinilega mættir til leiks með von og baráttuhug í hjarta.
Þrátt fyrir að himnarnir hafi grátið sárt var greinilegt að leikmenn beggja liða voru mættir til að hafa gaman af og mig langar að hrósa leikmönnum Heiðu í dals fyrir góða baráttu og prúðmannlega spilaðan leik. Þeir sýndu að það er alveg hægt að berjast og spila fast án þess að vera beinlínis grófir.

Fyrstu fimmtán mínúturnar var leikurinn í járnum og mátti vart á milli liðana sjá á meðan leikmenn HÍD beittu löngum háum sendingum á "KA manninn" þá stjórnuðum við leiknum með léttleikandi sóknum upp báða kanta það var svo loksins að Haukur "ég skora bara ef að færin eru þröng" Erlingsson skoraði fallegt mark nánast frá endalínunni og umkringdur andstæðingum. Nánast strax í næstu sókn skoraði svo Héðinn með því að svo ég noti hans eigin orð "hræða boltann inn" eftir fallega sendingu frá Bubba. Þarna vorum við komnir í þægilega stöðu og ekkert stefndi í annað en að mörkin myndu halda áfram að raðast inn... en nei þeir minnka muninn í 2-1 með kúkamarki löng sending sem fylgt var eftir af harðfylgi.Þarna hugsaði ég með mér nei fjandinn ekki ætlar þetta að vera einn af þessum leikjum sem við sækjum allan tíman og töpum samt! En það var ekki að spyrja að því... kjéllinn steindrap daufar vonir með marki úr aukaspyrnu frá miðju í skeytin inn! óverjandi fyrir markmann Heiðu í dal sem stóð náfölur í framan í markinu og vissi ekki hvaðan á sig veðrið stóð.

Þetta var akkúrat það sem þurfti til að rífa liðið því nú hreinlega opnuðust allar flóðgáttir og pósthraðlestin var aldeilis komin á blússandi siglingu. Ingó sýndi sjaldséð öryggi í öftustu línu og spurning hvort hann sé að ganga í gegnum endurnýjun lífdaga sem leikmaður því eins og Eyjólfur Sverris virðist hann vera að hasla sér völl aftar á vellinum með aldrinum. Konni setti inn sannkallað Beckham mark þar sem með útsjónarsemi og vel stilltri hægri fallbyssu hann setti fallegan bananabolta yfir markmann HÍD vel fyrir aftan miðju. Berti kom öllum á óvart með því að skora með áður óþekktri vinstri löpp Sjonnsterinn setti tvö kvikindi í viðbót og notaði tækifærið til að skjóta föstum skotum að saklausum Bubbanum þess eðlis að það þýddi ekkert að vera með eitthvað helvítis pot. Bubbi tók sig því til og var ekki lengi að stinga ofan í téðan Sjonna með því að fylgja föstu skoti hans með einhverju því lausasta og ógeðslegasta poti sem sést hefur síðan Ian Rush var og hét! svo skokkaði hann til baka muldrandi eitthvað um að svona ætti sko að pota þessu! Elmar "Ísfirðingur" Eymundsson setti svo punktinn yfir I-ið með trademark snuddu í fjær. Í lokin duttu menn í eitthvað kæruleysi og hleyptu inn öðru marki þar sem lipur sóknarmaður HÍD svoleiðis stakk annars eldfljóta varnarmenn póstsins af.

Lokatölur 9-2

Frábær byrjun á seasoninu og nú tekur við fyrsti leikur í deild á fimmtudag en hann er gegn vesturbæingum sem spila undir nafninu Mannsi.

Pís át!